#تحليل
انشاء خط بحري بين مليلية المحتلة و بلدة غزوات الجزائرية... هاد الخبر منتشر اليوم بقوة ، بحيث صرح ديكاسترو رئيس حكومة مليلية المحتلة ان الحكومة المركزية فشخص وزير خارجيتها أرناثا غونزاليس كتدرس الأمر بعناية.. و تحتاج لمشورة المغرب و الجزائر. لكن بلاتي!! واش منطقيا الأمر ممكن ولا غير مجرد فرقعة إعلامية؟؟
منطقيا هو ورقة ضغط لا اكثر، لأن هاد المقترح كان تطرح قبل 3 سنين من قبل العميل يوسف قدور ، و هو من مغاربة مليلية و كيتحرك على مستوى جمعية الصداقة الجزائرية الإسبانية التابعة لوكالة شفيق مصباح.. لي هي الدراع ديال مخابرات المرادية فالخارج، خونا دفع المقترح و تبناه رئيس باطرونا مليلية انريكي ألكوبا و عطاه لأصدقائه فالمعارضة فالحكومة المحلية ، و هو قيد الدراسة... ولكن مغديش يشوف النور ، لأن شركة البليار للملاحة البحرية لي كانت ستطلق الخط ف17 ديسمبر 2019 تراجعت حيث دراسة الجدوى اتبتث فشل فكل الجوانب ، ثانيا مايمكنش للخط العبور من المياه المغربية بدون ادن الرباط ، يعني فاش قالت أرناثا انها تحتاج المشورة مع المغرب راه فعلا قالت الصح ، ثالثا كاينا نية عن الرباط فغلق الأجواء المغربية أمام الطائرات لي غادي تقلع من مطار مليلية ، هاد البلان مرتبط بمطار العروي لي من المفترض يستقبل 2 مليون مسافر، يعني ورقة النقل البحري التأشير عليها يساوي اعدام ضمنيا النقل الجوي ، رابعا منطقتي التجارة الحرة لفنديق و مارتيل كايتبناو أساسا باش تعوض التهريب و تكون للربط التجاري البديل بين سبتة و مليلية المحتلتين و المغرب ، مايمكنش إسبانيا تخلي الاعفاءات و التسهيلات الضريبية فهاد المنطقتين و تمشي تقطع الطريق حتى لغزوات لي هي سوق ميت أساسا....
كما قلنا مدريد كتحرك هاد العجاجة قبل الاجتماع الرفيع المستوى القادم حيث بغات ترسل إشارة للرباط لضرورة فك الخنق و التعاون بكل ودية... و البيادق فالجزائر متيقين راسهم ...
المصدر : اندروميدا
#أندروميدا #سبتة_مغربية #مليلية_مغربية
